Роднае слова - люстэрка культуры народа, яго духоўнае аблiчча. Мова - наша спадчына, якую мы атрымлiваем ад бацькоў i павiнны перадаць наступным пакаленням. Хто хоць раз пачуў беларускую мову, не забудзе яе мяккасцi i мiлагучнасцi, плаўнасцi, сцiпласцi, прыгажосцi i самабытнасцi.

21 лютага ва ўсім свеце адзначаецца Міжнародны дзень роднай мовы. Гэты дзень ва ўсім свеце адзначаецца з мэтай захавання і развіцця знікаючых моў, заахвочвання лінгвістычнай разнастайнасці і шматмоўнай адукацыі, а таксама павышэння дасведчанасці аб моўных і культурных традыцыях.

На зямным шары існуе каля 6000 моў, палова з якіх на мяжы знікнення. Большасць моў не маюць афіцыйнай “пасады” - на іх проста размаўляюць… Мова - найвялікшае багацце народа. Многія пісьменнікі, паэты ўнеслі вялікі ўклад у развіццё мовы.

Мерапрыемства было напоўнена рознымі гульнямі “Падбяры слова” (з ужываннем антонімаў), “Словы наадварот”, “мнагазначныя словы”, падабранымі па ўзросце дзяцей. На мерапрыемстве была праведзена гутарка пра Беларусь, пра сталіцу нашай Радзімы – Мінск, пра родную беларускую мову. Дзеці з вялікім задавальненнем адгадвалі загадкі пра кнігі, Радзіму, чыталі вершы пра родную мову. З цікавасцю вучні паглядзелі прэзентацыю на дадзеную тэму, якая дапамагла зрабіць сустрэчу больш цікавай і пазнавальнай для дзяцей. Гэта сустрэча надоўга запомніцца чытачам, так як яны самі таленавіта ўдзельнічалі ў падрыхтоўцы і правядзенні мерапрыемства.

Навучэнцы прагледзелі відэафільм пра родную беларускую мову, пра правільнасць беларускага маўлення. Мерапрыемства прайшло на добрым узроўні, пры актыўным удзеле рабят.

20.12.2025

Хомичук Е.В.