На літаратурнае падарожжа “Жыву ў Беларусі і тым ганаруся” ў Знаменскую сельскую бібліятэку завіталі дзеці з дзіцячага садка вёскі Знаменка.

Госці бібліятэкі здзейснілі захапляльнае падарожжа па старонках цудоўных беларускіх кніг. Бібліятэкар Сверба Наталля Васільеўна пачала мерапрыемства з верша Ніла Гілевіча.

Я – беларус, я нарадзiўся

На гэтай казачнай зямлi,

Дзе мiж лясоў i пушчаў дзiкiх

Адвеку прашчуры жылi.

Я – беларус, я ганаруся,

Што маю гэтае iмя:

Аб добрай славе Беларусi

У свеце знаюць нездарма!

Я – беларус, i я шчаслiвы,

Што мацi мову мне дала,

Што родных песень пералiвы

I зблiзку чую, i здаля.

Я – беларус, i хоць сягоння

Яшчэ малы, але скажу:

Я родам з племя непакорных

I прад бядой не задрыжу!..

Бібліятэкар пад час мерапрыемства падкрэсліла, што ўсім трэба ведаць гісторыю сваёй роднай старонкі, арыентавацца ў стагоддзях і постацях, дзеля таго, каб захаваць імёны і подзвіг нашых продкаў для нашчадкаў.